સંકટોના કંટકોથી હસતા સુમન … લો આ ડગ ભર્યા આપણે સૌએ ને રસ્તા બન્યા સુગમ … કહેવાય છે કે … હજારો માઈલની મુસાફરીનો પ્રારંભ માનવીના એક પગલાં વડે થાય છે . હા , અમારા દઢ સંકલ્પ અને આપના સહકારે જુન ૧૯૯૮ થી આપણા વિસ્તારમાં શિક્ષણની સુવાસ ફેલાવવા આવા જ એક પગલાં થકી આ સંસ્થાએ પોતાની મંગલ યાત્રાનો પ્રારંભ કર્યો હતો .
આ યાત્રા આજ પર્યન્ત જે તે પડકારોને ઝીલી એના ઉજ્જવળ ધ્યેયને અનુસરવા સહજાનંદ વિધાલય અગ્રેસર રહી છે , ત્યારે મા શારદાની અસીમ કૃપા તો છે જ … સાથે સાથે આપ સૌના સહકારની , શુભેચ્છાની અને ઉમદા વ્યવહારની એક અવિસ્મરણીય સુગંધ આ સંસ્થા સાથે વણાયેલી છે .
આજે જ્ઞાન વિજ્ઞાનની ક્ષિતિજો વિસ્તરી રહી છે . નવા નવા ક્ષેત્રોથી , આવિષ્કારોથી જગત પળે પળ પરિવર્તનની દિશાઓ ભણી અગ્રેસર થતું જાય છે ત્યારે સુવિધાઓની સાથે સાથે પડકારો પણ હોવાના જ ! ત્યારે આ પડકારોને પહોંચી વળવાની ક્ષમતા પ્રાપ્ત કરવી અને ધ્યેયલક્ષી સોપાનો હાંસલ કરવાની કૌશલ્યતા કેળવવી અનિવાર્ય બની રહે છે .
આપના સંતાનો જીંદગીના સુંદર સ્વપ્નોને , મનોરથને સાકાર કરે .. ભણતરની સાથે સાથે જીવનના પ્રત્યેક ક્ષેત્રમાં સફળતાપૂર્વક સુખી બને … ને મા – બાપ , કુટુંબ અને દેશને પોતાના ધ્યેયનિષ્ઠ પુરૂષાર્થ વડે ગૌરવ બક્ષવા સ્વયંને ઘડવાની ઊંડી દષ્ટિ કેળવે તે સૌથી પ્રથમ અને પાયાની જરૂરીયાત છે .
આ જરૂરીયાત સામે કટીબદ્ધ રહેવા સહજાનંદ વિધાલય હરહંમેશ જાગૃત રહી છે અને રહેશે જ , પરંતુ સાથે સાથે આપની જાગૃતતાની પણ એટલી જ આવશ્યકતા છે .
ટીપાય તો માટ ઘડો બને , દટાય તો બીજ વૃક્ષ બને , ઘસાય તો ચંદન સુગંધ બને અને સંસ્કારથી માનવી દેવ બને છે , તો પ્યારા દોસ્તો તમારી જાતને તમે સંસ્કારથી ક્યારેય અળગી ન કરશો કારણકે અમારે તમને દેવ તરીકે જોવા છે , દેવ તરીકે જોવા છે , દેવ તરીકે જોવા છે